Башино Село без вода за пиење, жителите тврдат дека диви копачи на злато ја скршиле главната водоводна цевка
![](https://duma.mk/wp-content/uploads/2022/06/290525386_1095847617950790_4069395140668512096_n-1024x768.jpg)
Непознати лица со машина за ископ на земја денеска копале во близина на местото викано „Јасика“ во Башино Село и притоа ја оштетиле цевката за вода за пиење во ова населено место. Тоа е причината што од славините во домовите на жителите не тече вода и соопштија на Дума.мк граѓани коишто живеат во Башино Село.
Дел од нив тврдат дека ова бил трет обид на копачите да копаат на истата локација. Претходно, во вториот обид , жителите штом ги забележале побарале одговор од копачите што работат во нивното село. Наместо баранот одговор овие граѓани биле сведоци како багеристот престанал да копа, се симнал од машината и избегал во блиска куќа одбивајќи да работи и да ја скрши водоводната цевка. Тоа внело сомнеж кај овие граѓани кои и тогаш пријавиле во Полициска станица Велес дека непознати луѓе се преставуваат како комунални работници и копаат во нивното село. Но полицијата не успеала да стигне навреме и уште тогаш да ги спречи.
Дел од жителите во населеното место Башино Село и денеска случајот го пријавиле во полиција, но за жал откако го оставиле селото без вода Во изјавата за Дума.мк тие рекоа дека се сомневаат за диви копачи на злато.
![](https://duma.mk/wp-content/uploads/2022/06/290851595_1988786037977449_3193882925192216065_n-1024x768.jpg)
Дума.мк побара став од СВР Велес и од Министерство за внатрешни работи. Според Сузана Прањик од МВР настанот е евидентиран во Сектор за внатрешни работи Велес за што на лице место е испадната полициска екипа. Во моментов трае увид којшто треба да ги утврди точните причини за предизвиканиот дефект на водоводната мрежа во Башино Село како и дадените искази во кој копачите се претставувале како комунални работници.
Според директорот на „Дервен“, Горан Наунчев, денеска работници на јавното комунално претпријатие не интервенирале во Башино Село. Тие не го го предизвикале дефектот со водоснабдување. Јавното комунално претпријатие не го одржува системот за водоснабдување во ова населено место туку според Наунчев само во моментов има екипа во селото којашто чека на завршување на истрагата за да го санира дефектот и на жителите да им овозможи повторно да добијат вода за пиење.
Убавка Јаневска
![](https://duma.mk/wp-content/uploads/2021/05/SEMM.jpg)