Во Општина Чашка, Богојавленије – Водици, се одбележа во три села и административниот центар

По отслужените богослужби во црквите “Св Атанас ” во селата Богомила и Теово како и во црквата Св. “Климент Охридски” во населба Чашка ,свештениците Димче Спасев и Драгољуб Костадиновски од Повардарската епархија, денес ги осветија водите во Реките Бабуна и Тополка во општина Чашка и го фрлија Светиот Крст.

Триесет и три годишнот Игор Јанковски во населба Чашка беше најсреќниот од пријавените 16 учесници на манифестацијата Богојавление – Водици и го фати Светиот Крст. 

Помеѓу 17- те пријавени во село Извор најсреќен беше осумнаесетгодишниот Оливер Цветковски. Тој го фати Светиот Крст годинава во осветените води на езерото во село Извор. Оливер доби ЛЦД телевизор од Општина Чашка, како и пригодни подароци од фирмата Каме Комерц.

Светиот Крст во осветените води на реката Бауна го фатија Даниел Ѓорѓиевски во село Богомила и Стојанче Ѓорѓиевски во село Теово.

Стојанче постави свој рекорд бидејќи годинава по шести пат е во неговите раце Светиот Крст.

Во името на Општина Чашка, на Даниел и Стојанче, ЛЦД телевизори им подари советнкот Борче Ангеловски.

– Од име на општина Чашка и од мое лично име како Градоначалник им честитам на Игор , Оливер, Даниел и Стојанче посакувајќи им успех на личен и професионален план. Сите добија подароци а јас лично му го подарив ЛЦД телевизорот на Игор, рече градоначалникот Горан Стојановски.
По повод денешниот празник Богојавление-Водици градоначалникот Стојановски им упати честитки на сте граѓани на општината со желби за добро здравје, мир и благосостојба./У.Ј