Submit to FacebookSubmit to Google PlusSubmit to TwitterSubmit to LinkedIn

Direktor2 fin

Сеуште гори денеска атарот на селото Ораовец. Два авиони канадери на Дирекцијата за заштита и спасување од воздух се обидуваат да го изгаснат огнот на непристапен терен на површина од околу 10 хектари. Вчеравечер изгоре површина од околу 40 хектари помеѓу селата Ораовец и Војница Огнената стихија е сосема на гранцата на двете општини Велес и Чашка. Вчера армиски хеликоптер а денеска во атарот на село Ораовец гаснат два авиони канадери.

Пожарникари на Територијалната противпожарна единица од Велес, шумарски работници, доброволци организрани од Општина Чашка како и месно население синоќа успеаа да го локализраат пожарот кај селото Војница. Таму од синоќа опожарената површина ја контролираат екипи на ЈП „Национални шуми“ а превентивно ЈКП „Дервен“ обезбеди и цистерни со вода.

pozarsinokaVojnica fin

Но, пожарот голта нови површини во атарот на селото Ораовец. Во шест наврати двата авиони канадери на Дирекцијата за заштита и спасување од воздух се обидуваа да го изгаснат огнот на непристапен терен на површина од околу 10 хектари.

-Екипите на „Национални шуми“ се на лице место задно со пожарникарите и со мобилизирани граѓани на Општина Чашка. Не можат да влезат на теренот кој е непристапен и го чекаат епилогот од гаснењето на пожарот од воздух. Гори смрекова шума и сува трева и ако не се локализра има опасност да навлезе во реони со шумски појас на даб. Тогаш штетите ќе бидат многу големи, рече директорот на ЈП „Национални шуми“ Зоран Ѓоргиев.

PozarVojnicadenje fin

Градоначалникот на Чашка, Горан Стојановски апелира и за човечка помош по гаснењето од воздух за да се стави пожарот кај Ораовец под контрола. 

- Огнот е раширен на голема територија и се потребни луѓе кои по помошта што ја добивме од авионите на Дирекцијата за заштита и спасување сега треба да гаснат. На површина од околу 10 хектари, најголем дел на непристапен терен, тоа засега го прават пожарникарите, шумарските работници, вработени во јавното комунално претпријатие на Чашка. Тие од вчера попладне до сега постојано се распоредени на теренот. Синоќа имаше и граѓани доброволци. Потребна е жива сила за гаснење на пожарот, рече градоначалникот Стојановски.

PozarOraovecnaslovna

И покрај тоа што со сите ресурси се наоѓаат на пожарите и опожарените површини во велешко и во Општина Чашка од ЈП „Национални шуми“ апелираат до граѓаните на голема претпазливост додека се движат на отворено или покрај шумски предели. Директорот Ѓоргиев повика и на соработка со граѓаните и пријава штом се забележи мало жариште во полиција на телефонскиот број 192, во Дирекцијата за заштита и спасување или во Центарот за управување со кризи на телефонскиот број 195./У.Ј

 

 

SEMM baner MK

Поврзани вести

lifer gif 300x250 Duma

baner i od veles se moze

E baner

Konsalting Jovevi

Rontis oglas 2

Швајцарска мултинационална компанија активна во областа на фармацијата и производство на медицински помагала заради зголемување на својот постоечки капацитет во Велес има потреба да вработи:

Техничар  во оддел за  одржување

Кандидатите треба да ги исполнуваат следните услови:

  • ССС (Електро- техничар,  Машински техничар и др. сродни занимања)
  • Познавање на англиски јазик
  • Познавање на работа со компјутери
  • Со или без работно искуство ( предност имаат кандидати со работно искуство со машини )

Локација : Велес

Доколку сте заинтересирани, Ве молиме пратете ја Вашата биографија (CV) со слика на  hrmk@rontis.com  или на адреса: ДПТ РОНТИС  ДООЕЛ Велес  с. Долно Оризари бб, Велес 1400  задолжително со назнака за Техничар, најдоцна до 06/03/2020 година .

 
   
   
   
   

Најново