Дума.мк добитник на наградата на ЗНМ за истражувачко новинарство од локално и регионално значење за 2021 година

За истражувачката приказна со наслов „Жителите на Речани се жалат на загадување, ЈП Македонија пат тврди дека не ги загадува“ истражувачкиот тим на Дума.мк е добитник на престижната наградата на Здружението на новинари на Македонија во категорија новинарско известување на теми од локално и регионално значење. Новинарките Убавка Јаневска и Даниела Саздова на регионалниот веб портал Дума.мк се автори на истражувачката приказна којашто во конкуренција на 20 локални медуми во државата ја добија годинава наградата.

Приказната е работена со поддршка на проектот „Media for all„ спроведен од Британски Совет и партнерите BIRN и Thomson Fondacija а истражувањето е направено со помош на ECR алатката создадена од BIRN. Истражувачката приказна е посветена на конкретен еколошки проблем, со кој се соочуваат жителите на населба „Речани“ во Велес. Приказната е објавена, во октомври, 2021 година на веб порталот Дума.мк во категорија „Гласот на граѓаните“.

Тимот на Дума.мк упати искрена благодарност кон Здружението на новинари на Македонија и жири комисијата, предводена од бардот на македонското новинарство, Александар Чомовски со членовите Слободанка Јовановска и Сенад Зулбеари за тоа што го препозна и го вреднуваше трудот и професионализмот на тимот на Дума.мк. кој значи поттик за останатите новинари од внатрешноста да истражуваат за важни теми од локално значење.

– Станува збор за истражувачка приказна која е медиумско истражувачки издржан медиумски прилог кој истовремено е и повеќе слоен прилог, помеѓу другото образложи Чомовски.

Годинава, наградата „Крсте Петков Мисирков“ за животно дело ја доби Јадранка Костова долгогодишна, реномирана новинарка, уредничка на „Фокус“ додека наградата за „Јашар Еребара“ за годишно истражувачко новинарство ја доби новинарката од дигиталната платформа СДК.мк Соња Колевска Делевска.

Наградите беа доделени на свечен настан по повод 76 годишнината од формирањето на Здружението на новинари на Македонија.

Стефани Манева

Настанот од доделувањето на наградите погледнете го во видео материјалот.