Двајца велешани и жител на Свети Николе починаа од ковид-19 во велешка болница

Тројца пациенти коишто се лекуваа во велешка болница се починати во изминатите 24 часа. Велешаните се на возраст од по 59 години додека пациентот од Свети Николе е на возраст од 66 години.

Денеска во болницата вкупно се хоспитализирани 63,  од кои  43 се потврдени позитивни,7 сомнителни  и 13 пациенти се со негативен тест но задржани на болничко лекување.

 На кислородна поддршка се 28 пациенти.

На Инфективно одделение се лекуваат 37, во Модуларна болница 15 и на Интерно одделение 11 пациенти.

Од велешка болница денеска испишани се 10 пациенти како оздравени, со по еден негативен тест.

Убавка Јаневска