(ФОТО) Вака наскоро ќе изгледа дворот со нова игровна опрема на децата во објект „Ѕвездички“ на велешката детска градинка

Партерно се уредува дворот на објект „Ѕвездички“ на детска градинка „Димче Мирчев“ во Велес. Во него, за кратко време, ќе има нови игровни реквизити, столчиња и масички, заштитни чадори, мал подиум како и многу цветови, тревници, пешачки патеки што ќе им овозможат на децата да играат, да рекреираат и во исто време да ги совладуваат едукативните содржини наменети за нивна возраст.

Реализацијата на проектот „Партерно уредување на двор на објект 5 на ОЈУДГ „Димче Мирчев“ чини 1.695. 403 денари, вели директорката Маја Велиновска.  

-Ова е проект со кој целосно се менува ликот, поточно изгледот на дворот во објект 5, ,,Ѕвездички”, како дел од нашата јавна установа. Освен комплетна реконструкција со финансиските средства обезбедивме и нова игровна опрема. Проектот ги опфаќа деловите за игра, за одмор, за рекреација и за едукација на децата. Со тоа се обезбедуваат сите неопходни услови за максимално квалитетно искористување на просторот во деновите во којшто условите овозможуваат децата да претстојуваат во отворениот дел на градинка, поточно во дворот. Елементите за игра и професионалните архитектонски решенија што ќе ги поставиме ќе обезбедат  безбедна, функционална и естетска компонента на дворот. Во него децата ќе можат да играат, да уживаат и да ги следат едукативни содржини на отворено. Ќе продолжиме и понатаму да инвестираме во условите за престој на најмалите наши сограѓани, затоа што тие го заслужуваат најдоброто, додаде Велиновска.

Вака ќе изгледа по реконструкцијата дворот на овој објект на велешката детска градинка.

Во моментов се реализираат градежните работи за разубавување на дворот на овој објект на велешката детска градинка.

Инаку реконструкцијата се изведува со заштедени фининсиски средства од годинешниве блок дотациите на државата, преку Министерството за труд и социјална политика, и е плод на домаќинското работење на ОУДГ „Димче Мирчев“.

Убавка Јаневска