ЈКП Дервен неделава работеле на повеќе активности во градот, исчистени диви депонии, заменети водоводни линии

Исчистени се дивите депонии на улица „Тодор Јанев“, улица „Благој Ѓорев“ кај жито маркетот позади Авона, потоа на улица „Алексо Демниевски – Бауман“ кај железничка станица и на улицата „Лазо Осмаков“ позади Центар за јавно здравје, информираат од Јавното комунално претпријатие „Дервен“.

Оттаму како активности на коишто работеле изминатата недела ги издвојуваат и завршувањето на реконструкцијата на водоводната линија на улица „Стефан Димитров“, потоа поставувањето на нова водоводна линија во должина од 75м на улица „Камка Тоцинова“ како и поставувањето на канализациона линија со должина од 90м и водоводна линија со должина од 45м во населба Бела вода на езеро Младост.

– Поставени се нови рефлектори на косината кај Здравствен дом, а на Градскиот пазар поставена е поширока врата за овозможување на дотур на роба од страна на закупците на тезги. Расчистено е неорганизирано зеленило и и исчистени се тревни површини на улица „Лазо Осмаков“, улица „Индустриска“, улица „Живко Фирфов“, зелена површина кај салон Симпо и на детското игралиште во населба Тунел, додаваат од ЈКП „Дервен“.

Исто така, во текот на оваа работна седмица биле исчистени и рекреативните површини на езеро Младост.

Стефани Манева