Расте бројот на заболени овци од „син јазик“

Прскањето против комарци кое беше извршено во саботата во кавадаречко не го даде очекуваниот ефект, бидејќи болеста „син јазик“ и понатаму продолжува да се шири.

Сега покрај во кавадаречките и неготинските села, болеста е пронајдена и во стада во росоманско. Таму за прв пат се бележат и случаи на „син јазик“ кај козите.

Од државниот ветеринарен инспектор, Спасе Донов дознаваме дека алармантна  e состојбата кај стадата во селата  Крњево,  Куманичево и Бохула  каде бројот на заболени овци е над 50% но може да се каже дека болеста син јазик ја има насекаде вклучувајќи ја тука целата висорамнина Витачево.

„Досега е евидентирана  смртност на 400 овци. Точната бројка не може да се каже, бидејќи  процентот на заболените овци во останатите стада од 30 се зголеми на 40%. Фармерите во паника секојдневно бараат помош од ветеринарните друштва во Кавадарци и Неготино.  “ вели Донов и нагласува дека засега не се чуствуваат ефектите од прскањето против комарци,  бидејќи  инкубацијата  на болеста е од 3 до 7 дена. /А.Д