Еуроникел индустри со колкетивен договор се обврза да ги унапредува работничките права

Колективен договор за унапредување на работничките права денеска потпиша Еуроникел индустри со синдикалната организација.  Од комапнијата, во која се вработени околу 1000 лица, велат дека  потпишаниот договор  за нив е дополнителен чекор во вреднувањето на вработените,  како најголем капитал и најважна инвестиција на компанијата.

„Еуроникел Индустри е компанија која успешно работи благодарение на својот највреден капитал, вработените. Тие се нашата најважна инвестиција и затоа целиме да креираме професионален и компетентен персонал, кој е соодветно вреднуван, а со тоа и мотивиран да го даде најдоброто од себе во раст и развој на компанијата. Она што ние како менаџмент можеме да им ветиме на вработените е долгорочна иднина, стабилност, напредни услови за работа, а со тоа придонес кон поквалитетен живот”, рече Герасим Кујунџиев директор на Еуроникел Индустри.

Од компанијата информираа дека  во изминативе три години биле направени инвестиции кои директно ги подобрувале условите за работа, а надминале 130 милиони евра.

Претседателот на Синдикатот Миле Ѓорѓиев искажа задоволство од потпишувањето на колективениот договр, но како што истакна и од досегашната комуникација и соработка со менаџментот.

 „ Досега веќе постигнавме многу, оваа година веќе е реализирано покачување на платата, а продолжуваме со секојдневна комуникација за понатамошно подобрување на секој аспект од работата што се одразува врз работниците и нивната добросостојба и задоволство од работната средина.” нагласи Ѓорѓиев.

Потпишувањето го поздрави и претседателот на СЕИР Игор Ѓерасов и упати порака до сите членови на СИЕР, но и до другите компании кои немаат синдикално здружување, дека уредувањето и унапредувањето на правата на работниците е клучен фактор за постигнување на зацртаните цели на секоја компанија, бидејќи токму работниците се тие што ја креираат најголемата вредност на секоја компанија.

Ангел Данов