Обновен пожарот кај велешко Дурутовец (ФОТО)

Противпожарни возила и пожарникари повторно интервенираат на опожарената површина кај Дурутовец, во близина на Велес. Петнаесет минути откако денеска се повлекле од локацијата којашто од ноќеска ја надгледуваа, по гаснењето на пожарот којшто го зафати и Чолошово, пожарникарите добиле повик за обновување на пожарот.

До 17 часот денеска пожарникарите од ТППЕ Велес биле на локацијата што во моментов гори.

Во пожарот ,вчера вечер, таму изгореа 20 хектари стрниште, дел од градската депонија за смет, ниско дабова и борова шума, две возила а беа спасени четири викендици. Според Центарот за управување со кризи пожарот го предизвикале искри од паднат електричен кабел.

Убавка Јаневска