Пожарникарите изгаснале запалено возило на улица во Велес

Патничкото моторно возило марка „форд фокус“ се запалило, вчера, околу 13:00 часот на улица „АСНОМ“ бр.13 во Велес. Веднаш побарана била интервенција за гаснење од страна на Територијалната против пожарна единица Велес, која на лице место излегла со едно против пожарно возило и тројца пожарникари спасители.

-По пристигнување на лице место возилото е изгаснато, соопштија од ТППЕ Велес. Од таму апелираат на внимателност на граѓаните кои доколку забележат пожар веднаш треба да го пријават на бесплатниот телефонски број 112 или 193.

Стефани Манева