Познат бројот на пријавени ученици во средните училишта во Велес на првиот уписен рок

Првото пријавување на учениците во средните училишта се одржа на 20 и 21 јуни. Во Велес, во четирите средни училишта познат е само бројот на пријавени ученици а во текот на утрешниот ден ќе бидат објавени и конечните ранг листи на примени ученици во прва година.

Во ССОУ „Коле Неделковски“ пријавени се 273 ученици. Во СОУ „Гимназија Кочо Рацин“ пријавени се 90 ученици од кои 13 во албанска паралелка. Во хемиското училиште, ССОУ „Димитрија Чуповски“ пријавени се 140 ученици додека во економското училиште, СОУ „Јовче Тесличков“ пријавени се 47 ученици.

Конечната ранг листа за секое училиште со резултатите од запишувањето и преостанатите слободните места за вториот уписен рок ќе бидат објавени утре, на 24 јуни, најдоцна до 12:00 часот на огласна табла на училиштето и на официјалната веб страна на МОН.

Стефани Манева