Најмладите со порака до возачите: „Возете внимателно, ние секојдневно сме на улица“

Почитувајте ги сообраќајните правила и прописи  денеска  на возачите во  Росоман им порачаа децата од големата група при Детската градинка ,,Праскичка“во рамки на превентивната акција за безбедност во сообраќајот што реализира во Росоман.

Пораките што ги изговорија најмладите беа „возете внимателно,  ние секојдневно поминуваме тука.Ние учиме самостојно да се грижиме за нашата безбедност во сообраќајот но Ве замолуваме и Вие грижете се за нас со тоа што ќе управувате со вашето моторно возило“ .

„Денес ги повторивме претходно изучените правила за поминување на улица, значењата на светлата на семафорот, функцијата на знакот стоп како и улогата на пешачките премини“ рекоа наставничките од градинката.

Денешната акција беше дел од превентивните активности на СВР Велес одделение за превенција при кавадаречката полиција, реализирана во соработка со детската градинка од Росоман./A.Д