Откажан и Меѓународниот фестивал на изворен фолклор „Тодорица” во Свети Николе

Поради препораките на Министерството за здравство за превенција од корона вирусот нема да се одржи традиционалниот Меѓународниот фестивал на изворен фолклор „Тодорица” во Свети Николе.

Иако на фестивалот беше најавено присуство на 16 фолклорни ансамбли од земјава, од Србија, Црна Гора и од Бугарија од безбедносни по здравјето причини, како на учесниците така и на домаќините, манифестацијата нема да се одржи.

– На 7 март и годинава требаше да се одржи традиционалниот фестивал „Тодорица” во чиј состав е и панаѓурот. Согласно препораките на Министерството за здравство поради превенција од корона вирусот фестивалот нема да се одржи, рече градоначалникот на Свети Николе, Сашо Велковски.
Според организаторите на манифестацијата требаше да присуствуваат околу 400 учесници, кои се членови на фолклорните ансамбли.
Традиционалниот фестивал „Тодорица“ во Свети Николе се одржува над 20 години./У.Ј