Исчезнато малолетно дете од Кочани и тепачка во кафеана во Велес како и касната од бездомно куче Гевгеличанка во Неготино

07.12.2020

Вчера вечер, околу 23:00 часот, во Полициската станица Велес, PБ.Д.(62) пријавила дека од нејзиниот дом се оддалечило и не се вратило 12 годишното дете Д.И од Кочани. Од Секторот за внатрешни работи Велес велат дека постапуваат по пријавата и работат на пронаоѓање на детето.

Три ипол часа претходно полициските службеници во Полициска станица Велес примиле пријава и за тепачка во угостителски објект на ул.„Коле Дрнков“ во Велес. Таму Љ.А.(26) бил физички нападнат од едно лице.

Се работи на расчистување на случајот, рече портпаролот на СВР Велес Верољуб Додевски .

Вчера, исто така, е касната од бездомно куче и жена во Неготино. Во Полициска станица во Неготино И.Н (40) од Гевгелија пријавила дека напладне била нападната и касната од куче на ул.„Даме Груев“ во Неготино.

Стоилко Андреевски