Преполовен бројот на сообраќајни незгоди со повредени пешаци на улиците во Велес

29.01.2020

Минатата година се случиле 25 сообраќајни незгоди во кои се повредени пешаци на градските улици. Споредено со 2019 и 2018 година кога се случиле 40 или 35 незгоди бројот е скоро преполовен.

Дел од нив се случиле при преминување на премини а дел на тротоари. Секорот за внатрешни работи Велес овие информации и ги доставил на општината.

Според проценките на градската власт ваквата позитивна промена се должи на поставената опрема пред пешачките премини и метални столбчиња за заштита на тротоарите со што се спречи непрописно паркирање и брзо возење на критичните точки на главната сообраќајница.

Во изминатиот период општината постави столбчиња на над 15 улици во градот меѓу кои и централното градско подрачје што се усогласени со Планот за одржлива урбана мобилност во кој безбедноста на пешаците и велосипедистите е на прво место.

СВР Велес ја поттикнал општината да продолжи со поставување на столбчиња.

Нив наскоро ќе ги има и на улиците „Љубљанска“ од Пекара „Ќоше“ кон ООУ „Блаже Конески“, од двете страни на улицата „Лазо Осмаков“ и на улицата „8 ми Септември“ од левата страна на тротоарот наспроти паркинг просторот под Градски саат.

Убавка Јаневска