(видео) Одронети камења им се „закануваат“ на возачите на автопатот Скопје – Велес, ЦУК на терен

Откако во во Центарот за управување со кризи пристигна пријава од граѓани за одронети и опасни камења паднати од десната страна на автопатот до белата линија и заштитната мрежа за одрони на делницата на Скопје – Велес, директорот на ЦУК, Стојанче Ангелов заедно со Костадин Ацевски, директор на Јавно претпријатие за одржување и заштита на магистрални и регионални патишта веднаш излегоа на терен .

-Повеќе граѓани укажаа на Единствениот телефонски број 112 во ЦУК дека на автопатот Скопје – Велес има одронети крупни и ситни камења, што ако се насоберат повеќе при одредени метеоролошки состојби може да довтасаат – за се доистркалаат од под заштитната мрежа и преку белата гранична линија на патот. Во тој случај тие би претставувале потенцијална опасност за возилата, односно за возачите и патниците коишто ја користат оваа делница во нашата земја, соопшти ЦУК.

Вработените од Јавно претпријатие за одржување и заштита на магистрални и регионални патишта ги затекнавме на терен при редовна работа за расчистување на дел од делницата, во правец Скопје – Велес, а полициската асистенција од МВР врши побезбедно .При тоа, Ангелов, посочи дека е секогаш актуелен апелот до граѓаните за почитување на сигнализацијата на патот и прилагодување на движењето според условите на патот, согласно неговото познато мото – Безбедноста на прво место!

При превентивното разгледување на ситуацијата на терен, во разговорот со Ангелов, Ацевски посочи дека континуирано се работи и се чисти од паднати камења што се истркалани под заштитната мрежа и се покрај автопатот, особено по поројни дождови и во периодите кога има голема разлика на екстремните температури во текот на деноноќие, односно периоди од годишно време.

Нагласи дека од особена важност се пријавите од граѓаните за ваквите одрони затоа што тоа е најбрзата информација од терен за опасности на патот и превентивно дејствување на Јавното претпријатие за одржување и заштита на магистралните и регионалните патишта: „Нашите служби континуирано се на терен, и на дневно ниво ги поминуваат овие делници. Земајќи предвид дека работиме со ограничени човечки ресурси постојано работиме на чистење на патиштата во соработка со надлежните институции“.

Тој посочи дека автопатот Скопје – Велес е специфична делница што речиси секогаш има одрони заради конфигурацијата на теренот, местоположбата и метео приликите. Екипите на Јавно претпријатие за одржување и заштита на магистрални и регионални патишта со градежни машини работат на отстранување на покрупните камења со цел растоварување на заштитните мрежи на карпестите пресечени ридови и ритчиња од левата страна на автопатот.

Стефани Манева