СВР Велес: Уапсени шест велешани кај кои била пронајдена дрога
![](https://duma.mk/wp-content/uploads/2024/05/veles-logo-2-1-3-1-1-1-1-1.jpg)
Сектор за внатрешни работи Велес преку ифнормира дека вчера, полициски службеници лишеле од слобода шест велешани кај кои била пронајдена дрога.
Првиот велешанец, четириесет и две годишниот С.С бил лишен од слобода во 10:00 часот на улица „Петар Алчев“. Полицајците кај него пронашле и одземале бела прашкаста материја.
По два и пол часа, на улица „Васил Ѓоргов“, полициски службеници го лишеле од слобода и четириесет годишниот А.Д кај кого била пронајдена и одземена бела прашкаста материја.
-За настаните бил известен јавен обвинител и по документирање на случајот ќе следува соодветен поднесок, додаваат од СВР Велес.
Во 16:00 часот, полициски службеници од Одделението за недозволена трговија со дрога и оружје при СВР Велес ги лишеле и велешаните С.Т 49, Л.Л 37, П.С 32 и С.Л 29.
-При претрес во домот на С.Т. и Л.Л., извршен со судска наредба и во соработка со Единицата за службени кучиња, а во кој биле затекнати Р.С. и С.Л., кај С.Т. биле пронајдени и одземени бела прашкаста материја и една дигитална вага, додека кај Л.Л. биле пронајдени и одземени бела прашкаста материја , таблети екстази, две дигитални ваги и пиштол „Екол“, пишува во дневниот билтен на СВР Велес.
За настанот бил известен јавен обвинител и по целосно документирање на случајот,
против нив ќе бидат поднесени соодветни пријави.
Дума.мк
![](https://duma.mk/wp-content/uploads/2021/05/SEMM.jpg)