Триумфален настап на велешки кајакари на „Арка –Борец“ во Чачак, Србија, на натпревари во кајак на диви води

Во рамките на натпреварите во кајак на диви води на Лигата на Југоисточна Европа којшто се одржаа вчера во Чачак, соседна Србија, кајакарот јуниор Благој Гугинов го освои златниот медал исто како и во категоријата пионер кајакарот Андреј Апостолов. Тие се кајакари на ККК „Арка-Борец“од Велес кои вчера повторно имаа успешени настапи.  

Според кајакарот Љубомир Спасиќ, младите кајакарски надежи на Велес, биле дел од возбудливи трки и на моменти неизвесни.

-Нашите натпреварувачи со срце и посветеност се бореа за секунда побрзо време, а резултатите се фантастични,додаде Спасиќ.

Тој исто така се натпреварувал  во  сениорска конкуренција. Спасиќ покажал огромна борбеност и уго освоил второто место поточно сребрениот медал додека неговиот клупски колега  Кристијан Лазаров, иако имал силен настап, се пласирал на четврттото место.

Во категоријата ветерани, Енис Небиовски докажал дека искуството и страста кон спортот не згаснуваат – тој успеал да се закити со сребрен медал и да ја заокружи оваа успешна приказна.

-Триумфален настап на нашиот клуб во Чачак – Борбеност, Страст и Медали!Ова беше ден полн со адреналин, страст и спортска гордост. Честитки за сите наши херои на водата. Со нетрпение го очекуваме следниот предизвик – ова е само почеток,потенцираше Спасиќ.

Убавка Јаневска