Денеска „пекол“, викендов најави за невреме и пад на температурите
Објавено на 4 август, 2023 во 09:22
Времето денеска ќе биде сончево и многу топло со мала локална облачност, известуваат од УХМР.
Ќе дува слаб до умерен ветер од јужен правец, кој долж Повардарието повремено ќе засилува. УВ индексот ќе биде 9.
Минималната температура ќе биде во интервал од 14 до 22, а максималната ќе достигне од 34 до 40 степени.
Под влијание на атмосферски фронт утре во попладневните и во ноќните часови ќе биде нестабилно со пороен дожд и грмежи, наместа во форма на невреме со интензивен дожд за кратко време (над 20 л/м2 за 6 часа), силен ветер, поинтензивни електрични празнења и услови за појава на град, информира УХМР.
Од недела следува посвежо време со умерен, повремено засилен ветер од западен и северозападен правец.
Дума.мк