Денеска сончево и топло, од утре промена на времето

Времето денеска ќе биде сончево и топло со мала до умерена облачност која ќе се зголемува во текот на денот. Ќе дува слаб до умерен ветер кој вдолж Повардарието ќе биде со југоисточен правец.

Утре ќе остане и понатаму натпросечно топло, но ќе има мала до умерена облачност. Од вторник ќе преовладува претежно облачно со нешто повисоки утрински температури, а дневните температури значително ќе опаднат. Врнежите ќе започнат како послаби во ноќта кон вторник и ќе биде врнежливо со поинтензивни врнежи во западните делови кои во вторник понекаде ќе бидат проследени со повремени грмежи и засилен ветер.

Минималните температури во вторник ќе се движат од 7 до 16 степени, а дневните до 25 степени. Во текот на следните денови температурата ќе опаѓа и ќе достигне до 21 степен.