До крајот на неделата пристигнуваат 600.000 дози вакцини
Објавено на 24 јуни, 2021 во 09:58
До крајот на неделата треба да пристигнат 600.000 дози вакцини, најави премиерот Зоран Заев.
-Петок стигаат 100.000 Фајзер, а во недела пристигнуваат со два чартер-летови 500.000 дози од компанијата Синовак, информира премиерот.
Исто така, додаде дека од понеделник сите 180.000 граѓани што се пријавиле, а се уште немаат примено вакцина, ќе ја примат.
-До 20-ти јули годинава очекуваме половина милион граѓани да се имунизирани со две вакцини, нагласи Заев во гостувањето на емисијата „Топ тема“.
Вкупно до сега, аплицирани се 488.010 дози вакцини, а ревакцинирани се 206.163 граѓани.
