Светски познатиот бренд Хилтон влегува во Македонија!

По потпишување на договор за франшиза за отворање ексклузивен Double Tree By HILTON во Скопје, со Stone Bridge Hote хотелот, ќе се гради во населбата Аеродром покрај кејот на Вардар, спроти Универзитетот ФОН. се очекува да почне со работа на почетокот на 2016 година.

Новиот хотелски објект ќе треба да содржи 172 елитни соби, вклучувајќи 20 апартмани, како и 1.400 метри квадратни простор за организирање настани, поделен на два големи салони, и дополнителни три конференциски сали. Предвиден е и бизнис центар, центар за здравје и спа центар.

– „Се шириме низ Европа, со стратегија да го зголемиме нашето портфолио на успешни брендови на клучни локации со висококвалитетен развој на хотелите. Double Tree By HILTON Skopje ќе биде одличен додаток на нашето портфолио и почестен сум дека сега сме присутни и во Македонија, овозможувајќи сосема нов вид на сместување во земја, чиј профил на туристичка дестинација рапидно расте, заедно со бројот на пристигнување на посетителите од странство,“ рече Патрик Фицгибон, сениор заменик-претседатрел за развој за Европа и Африка на Хилтон.

Хилтон е водечка глобална услужна компанија во секторот сместување, од луксузни хотели со целосна услуга и одморалишта, до објекти за продолжени престои и хотели со пониски цени.

Брендовите на Хилтон се вклучени во повеќе од 3.900 хотели и објекти, со 650.000 соби во 90 држави.