Статистика ќе објави податоци за раст на БДП во вториот квартал
Објавено на 12 септември, 2014 во 07:43
Државниот завод за статистика денеска ќе презентира податоци за бруто-домашниот производ за второто тримесечје од годинава, како и резултати од ревизијата на податоците од областа на националните сметки и имплементацијата на новата методологија на Европскиот статистчки систем ЕСС 2010.
Според проценетите податоци на Државниот завод за статистика, стапката на раст на бруто-домашниот производ за првото тримесечје од 2014 година изнесува 3,9 отсто, а новата проекција за растот на БДП за годинава е дека ќе биде 3,5 проценти.
