Тим на ММФ ќе ја оценува македонската економија
Објавено на 26 јуни, 2015 во 12:53
Тим на Меѓународниот монетарен фонд предводен од Џесмин Рахман од 29 јуни до 8 јули ќе престојува во Скопје за да направи годишен преглед на македонската економија.
На крајот од мисијата, тимот ќе ја оцени нашата економија и ќе го подготви целосниот извештај за кој ќе дискутираат членовите на Извршниот борд на ММФ.
Оваа посета е дел од редовните активности на Меѓународниот фонд за следење на состојбите со економијата што се вршат во сите 188 земји-членки.
