Во Скопје отворен „Капитол мол“
Објавено на 12 декември, 2013 во 14:58
Стотици граѓани чекаа во влезат во новиот комплекс „Капитол мол и резиденс“ кој се отвори денеска на пладне, јави Плусинфо.
Објектот во скопската населба Аеродром се простира на 33.500 квадратни метри, а вкупната инвестиција изнесува 30 милиони евра.
Под мотото „Животот е поубав со нас“ сопствениците на Капитол Мол и Резиденс сакаат да има пружат на граѓаните нова димензија на пазарењето и да им овозможат да уживаат во нивното слободно време. Комплексот содржи 62 локали – модерни бутици со странски марки, ресторан, детски центар со модерни бутици и места за забава за сите возрасти.
Капитол мол и резиденс ќе отвори 500 работни места. Инвестицијата е македонски капитал – од Сити Плаза доо – Скопје на Ајдован Адемоски.
Фото: Плусинфо
