ЕП ќе дебатира за воведување на електронски сертификат за вакцинација
Објавено на 25 март, 2021 во 16:51
25.03.2021
Европскиот парламент соопшти дека наскоро ќе започнe дебатa за воведување на електронски сертификат за вакцинирани и за лицата кои прележале Ковид-19.
Се предвидува на крајот на април, ЕП да го поддржи отпочнувањето на преговори со Советот на ЕУ за предлогот на Европската Kомисија (EK) за воведување на електронски сертификат за вакцинација. Но, можно е предлогот да биде изменет, бидејќи откако текстот ќе биде договорен треба да биде одобрен од европратениците и од земјите-членки на ЕУ.
ЕП сака дебатата да заврши до летото. Големо мнозинство европратеници вчера го поддржаа брзото воведување на сертификат за вакцинација, се наведува во соопштението од ЕП.
