Ковачевски: Нашата политичка цел е јасна – Западен Балкан мора да стане дел од ЕУ
Објавено на 8 јуни, 2022 во 15:15
Нашата политичка цел е јасна и единствена – Западен Балкан мора да стане дел од Европската Унија. Местото на секоја земја од регионот е во Европската Унија. По тој пат одиме. Заедно се европеизираме, напиша на својот Фејбук профил премиерот Димитар Ковачевски во врска со Самитот „Отворен Балкан“ кој се одржува во Охрид.
-Како земји сме тесно поврзани. Кога има напредок во една земја, тоа е поттик за напредок кај другите соседи. Европски е да се помагаме, а не да се кочиме и блокираме, информира Ковачевски.