Медиумите со донации и помагаат на владеачката партија!
Медиумите во земјава ја донирале владеачката партија ВМРО-ДПМНЕ на последните локални избори.
37 медиуми, меѓу кои повеќето се телевизии донирале за партијата на власт. Според податоците од извештајот на Државниот завод за ревизија медиумите донирале кој колку може. Има донации за рекламирање како услуга во висина и од 250 илјади евра.
Најмногу донирала групацијата МПМ, издавач на дневните весници Дневник, Утрински и Вест, па следуваат националните телевизии Сител, Канал 5 и Алфа. Од локалните најмногу донирала Тера телевизија, а од радијата Сити радио. Еве ја листата на медиуми кои со рекалми ја помагале владеачката партија да допре до граѓаните и да им ја пренесат политиката.
МПМ (издавачот на Дневник, Утрински и Вест) – 252.843 евра
Сител ТВ – 161.364 евра
Канал 5 – 145.506 евра
Алфа Тв – 76.840 евра
Тера ТВ – 9.809 евра
Наша ТВ – 6.038 евра
Сити Радио – 5.754 евра
БТР – 5.215 евра
Ирис Штип – 4.414 евра
ТВ Стар Штип – 4.250 евра
ТВ Нова Куманово – 4.087 евра
КТВ 41 – 3.596 евра
Здравкин Велес – 3.376 евра
Визија Прилеп – 3.269 евра
Скај Радио – 3.008 евра
Интел Струмица – 2.942 евра
НТВ Охрид – 2.452 евра
Златен канал – 2.452 евра
Менада – 2.452 евра
Крт Куманово – 2.308 евра
ТВ Тиквешија – 2.288 евра
Шутел – 2.256 евра
ЕДО – 2.239 евра
ТВ Сонце – 1.961 евра
Свет Св. Николе – 1.634 евра
Кобра Радовиш – 1.634 евра
ТВ Кочани 1.634 евра
Канал 21 – 1.634 евра
Протел – 1.634 евра
Д1 Делчево – 1.634 евра
Метрополис радио – 1.634 евра
Боем Кичево – 1.443 евра
ТВ Амазон – 1.389 евра
Спектра Лабуништа – 1.389 евра
ТВ Морис Охрид – 1.307 евра
ВТВ Валандово – 1.144 евра
Нова ТВ Гевгелија – 1.005 евра
Според извештајот, коалицијата на ВМРО-ДПМНЕ за реклами во изборната кампања потрошила 1.581.201 евра, пари кои во најголемиот дел се обезбедени од донации од медиумите наведени погоре.
Ниеден медиум не донирал за опозицијата. Нема донации ниту за ДУИ и ДПА.
Опозициската коалиција „Сојуз за иднината“ за реклами потрошила 221 илјади евра, владеачката албанска партија ДУИ 350 илјади евра, а ДПА 8 илјади евра.
