УХМР: Променливо облачно со температура до 15 степени

08.03.2021

Времето денеска претпладне ќе биде сончево со мала до умерена облачност, а по одделни котлини со значителна ниска облачност. Попладне облачноста ќе се зголеми и на одредени места ќе има услови за слаб дожд. Ќе дува слаб до умерен ветер од западен и северозападен правец.

Утре и во среда ќе преовладува променливо облачно време со повремени локални врнежи од дожд, а на планините и на некои повисоки места со повремен снег. Пообилни врнежи се очекуваат во северните делови од земјата. Потоа следува период на стабилно и потопло време.

Стефани Манева