АМСМ: Денеска завршува обврската за поседување на зимска опрема во возилата

15.03.2021

Обврската за задолжително поседување на зимска опрема во возилата што беше воведена на 15 ноември лани, завршува денеска. Од Автомото Сојузот на Македонија информираат и дека сообраќајот на државните патишта се одвива непречено по претежно суви коловози.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

Стефани Манева