АМСМ: Прекин на делницата Пресека – село Врбјани поради градежни работи, сообраќајот на останатите патишта се одвива непречено
Објавено на 19 март, 2021 во 08:44
19.03.2021
Денеска на патниот правец А2 Кичево – Охрид , на делницата Пресека – село Врбјани, поради изведување градежни работи сообраќајот ќе биде во прекин помеѓу 12:00 ч. – 15:00 ч. во времетраење од 15 – 20 минути.
Сообраќајот на државните патишта се одвива непречено по наместа влажни коловози.
Авто Мото Сојуз на Македонија, препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
