Пендаровски му врачи Орден за заслуги на прославениот актер Гоце Тодоровски
Објавено на 27 декември, 2023 во 13:27
Претседателот Стево Пендаровски денес лично го одликува прославениот актер Гоце Тодоровски со Орден за заслуги за Република Северена Македонија.
Гоце Тодоровски се одликува за исклучителен и неповторлив придонес во развојот, популаризацијата и афирмацијата на театарската уметност. Со својот уникатен актерски талент се вмрежи во нашите срцa оставајќи неизбришливи траги во нашата историја, култура и традиција.
-Бард на македонското глумиште и еден од нашите најпочитувани и најпознати актери со извонредна кариера и богата биографија. Препознатлив по ведрината и енергичноста на сцената, но и по неговиот високо професионален однос кон работата, стои во објавата на претседателот.
Дума.мк
