Иванов денеска на средба со петте партии кои освоија мандати
Објавено на 1 февруари, 2017 во 10:24
Претседателот на Република Македонија Ѓорге Иванов денеска ќе оствари поединечни средби со политичките партии на кои ќе се разговара за актуелната политичка состојба.
Средбата со претседателот на Беса е закажана за во 12 часот, со претставниците на „Алијанса за Албанците во 13 часот, со претседателот на ДУИ во 14.30 часот, а со претседателот на СДСМ во 16 часот.
Средба со претседателот на ВМРО-ДПМНЕ Иванов ќе има во 17.30 часот.
Консултациите со парламентарните партии следуваат по вчерашната средба на Иванов со претседателот на Уставниот суд, Никола Ивановски.
