Продолжен рокот за аплицирање на конкурсите за финансирање проекти од национален интерес од културата за 2025 година

Министерството за култура и туризам, го продолжи рокот за аплицирање на Годишните конкурси за финансирање проекти од национален интерес по одделни области и активности во културата за 2025 година поради техничките проблеми поточно преоптоварување на системот. Рокот се продолжува до 5 ноември (вторник), до 16:00 часот.

„Потенцираме сите заинтересирани апликанти да обрнат особено внимание и да аплицираат во соодветните пријави и во соодветните дејности, во смисла на избегнување на можноста за евентуално неподдржување на одреден проект или активност поради несоодветно пополнета апликација“, се наведува во соопштението.

Пријавувањето на Годишните конкурси се врши со електронско аплицирање на Националниот портал за е-услуги: https://uslugi.gov.mk.

Дума.мк