Саем за производители и туризам и уште два настани во сабота во Крушево

Во спортската сала „Војвода Ѓорѓи Стојанов“ оваа сабота ќе започне саемот за производители и туризам со почеток во 10:00 часот, додека еден ден потоа ќе се одржи бизнис форумот во горната училишна зграда со почеток во 11:00 часот.

-На саемот ќе учествуваат околу 20 компании од Северна Македонија и Балканот и истиот ќе биде отворен до 17 часот. Веќе во недела, 21.08.2022г., ќе се одржи бизнис форум на кој ќе се претстават компаниите учесници. Форумот ќе биде отворен за посетители до 15:30 часот, пишува во соопштението.

За време на престојниот викенд ќе се одржат уште два настани. На 19-ти август ќе започне ФИС ролер ски купот „Тоше Проески“, а на 20-ти и 21-ви ќе се одржи фестивалот на отворено Крушево низ корија.

Саемот и бизнис форумот се организираат од маркетинг агенцијата Еуростеп и општина Крушево во соработка со компаниите учеснички.