Временска прогноза: Променливо облачно со сончеви периоди и потопло до понеделник

Во Македонија утрово ќе има услови за појава на магла во одделни котлини. Преку денот ќе биде променливо облачно со сончеви периоди и потопло. Ќе дува умерен, наместа засилен ветер од јужен правец, особено во западните делови.

Времето денеска ќе биде потопло, со максимална температура до 17 степени.

Во Скопје променливо облачно, наутро со појава на значителна ниска облачност. Ќе дува умерен југоисточен ветер. Максималната температура во Скопје ќе достигне 14 степени.

Утре ќе дува засилен ветер од јужен правец што ќе услови дополнително зголемување на дневната температура и забрзано топење на преостанатата снежна покривка. Во недела ќе има локални врнежи од дожд, а ветерот ќе се промени во северен и ќе засилува. Од понеделник температурата повторно ќе се намали.

Дума.мк