Дали кучињата се посреќни доколку живеат во дом со двор?

Поради начинот на живот на многу луѓе, често се случува да бидеме премногу зафатени или премногу уморни за да го изнесеме разиграно домашно милениче надвор. Од друга страна, кучето го поминува целиот ден во затворен простор и му треба прошетка и трчање низ паркот. Во вакви ситуации дворот е спас и за сопственикот и за кучето, советува порталот „apetit.rs“.

Дали е безбедно кучињата да останат во дворот цел ден?

Не постои универзален одговор на ова прашање: се зависи од расата и чувствителноста на кучето. Кучињата како големите или ловечките раси нема да имаат ништо против да живеат во дворот, згора на тоа, таквата средина им е попријатна отколку затворениот простор. Тоа не значи дека секое големо куче може да живее надвор, особено во зима, бидејќи има раси кои се чувствителни на студ. Исто така, се препорачува малите кучиња да живеат во затворени простории, но тоа не важи за секоја раса. Затоа, пред да изберете иден миленик, бидете добро информирани за расата што ќе ја изберете.

Доколку сте отсутни поголем дел од денот, прифатливо е да го оставите вашиот миленик во дворот, под услов временските услови да бидат соодветни. Обезбедете му на кучето доволно количество вода и храна.

Дали кучињата се посреќни доколку живеат во дом со двор?

Слободното трчање и истражувањето на дворот ќе биде многу пријатно за кучето. Освен тоа, ќе биде полесно и позаморно, што значително ќе ја намали досадата која често води до деструктивно однесување.

Пристапот до дворот носи придобивки, но среќата на кучето никогаш не се заснова на местото во кое се наоѓа, ниту пак на предметите што го опкружуваат. Зависи исклучиво од нашиот однос со него, вниманието и љубовта што му ги даваме. Добрата и квалитетна храна, удобен кревет, неколку играчки и пристап до дворот, како форма на слобода, значително ќе го подобри квалитетот на животот на кучето и ќе го направи посреќно. Најважно е да создадеме силна и интимна врска со нашиот верен четириножен пријател.