Дали се сеќавате на Тинки Винки, Дипси, Лала и По? „Телетабиси“ се враќа на малите екрани
![](https://duma.mk/wp-content/uploads/2022/09/FcDrFJQakAEU4Rn.jpg)
Четврт век откако првпат се емитуваше на Би-Би-Си, „The Teletubbies“ ќе се врати на малите екрани во форма на блокбастер на „Нетфликс“, со цел да привлече нова млада публика.
Тинки Винки, Дипси, Лала и По повторно ќе се обединат на малите екрани, раскажани од Титус Бурџис, а главните улоги ги толкуваат Џеремаја Краге, Ник Келингтон, Ребека Хајланд и Рејчел Бејнарт.
За шоуто е ангажиран Ендрју Девенпорт, еден од креаторите на оригиналната серија, а премиерата ќе биде прикажана на „Нетфликс“ на 14 ноември оваа година, пишува „The Guardian“.
Tinky Winky, Dipsy, Laa-Laa, and Po are back!
— Netflix (@netflix) September 7, 2022
The Teletubbies — and new narrator Tituss Burgess — are coming to Netflix on November 14th! pic.twitter.com/BvXJ9ZoiAr
Телетабиси првично се емитуваа помеѓу 1997 и 2001 година, со неколку подоцнежни репризи, а беа популарни и кај нас.
Имаше контроверзии за тоа кон кого е наменета серијата, а оваа нова варијанта би требало да има едукативен карактер и повторно ќе ја следи популарната четворка.
Се очекува да има многу пеење и играње, а првата сезона од новата серија ќе има 26 епизоди со траење од 12 минути. Тоа е само уште една во низата детски емисии од 1990-тите и 2000-тите кои неодамна добија нови верзии, бидејќи веќе видовме нови епизоди на „DuckT ales“ и „Animaniacs“.
![](https://duma.mk/wp-content/uploads/2021/05/SEMM.jpg)