Елон Маск размислува да создаде нова социјална мрежа: Не ми се допаѓаат правилата на „Твитер“
Извршниот директор на „Тесла“, Илон Маск, „сериозно размислува“ да создаде нова платформа за социјално вмрежување, објави милијардерот во саботата на „Твитер“.
Маск одговори на прашањето на еден твитерџија дали размислува да создаде нова платформа за социјално вмрежување која ќе содржи алгоритам со отворен код и која ќе ѝ даде приоритет на слободата на говорот, каде пропагандата би била минимална.
Маск, кој и самиот е особено активен корисник на „Твитер“, неодамна беше критички расположен кон платформата на социјалната мрежа и нејзините политики. Тој рече дека компанијата ја поткопува демократијата бидејќи не се придржува до принципот на слобода на говор.
Free speech is essential to a functioning democracy.
— Elon Musk (@elonmusk) March 25, 2022
Do you believe Twitter rigorously adheres to this principle?
Неговите твитови беа објавени откако на „Твитер“ објави анкета во која ги прашува корисниците дали веруваат дека „Твитер“ се придржува до принципот на слобода на говор, а повеќе од 70 проценти одговориле со „не“.
-Последиците од оваа анкета ќе бидат важни. Ве молaм, гласајте внимателно“, рече тој во петокот.
Ако Маск одлучи да изгради нова социјална платформа, тој ќе се приклучи на се поголемиот број технолошки компании кои се претставуваат како поборници на слободата на говор.
