Кристен Стјуард како Дајана во новиот филм за омилената принцеза
Објавено: 20 јуни, 2020, во 15:54 часот
20.02.2020
Кристен Стјуард, која се прослави со улогата во сагата „Самрак“, ќе ја глуми младата Дајана Спенсер во филмот „Спенсер“, чие дејство се случува во 90-те години на минатиот век, пренесува Би-би-си.
Сценариото на филмот е на Стивен Најт, автор на серијата „Бирмингемска банда“.
Режисерот Пабло Лајерн рекол дека Стјуард е една од најдобрите глумици на денешницата.
Дејството на филмот ќе се случува во Сандрингем и ќе ја покаже Дајана во моментите кога сфаќа дека нејзиниот брак веќе не функционира.
„Одлучивме да се впуштиме во приказната за идентитетот и околу тоа како жената, некако, одлучува да не биде кралица“, рекол Ларејн за Дедлајн.
„Дајана е жена која во тој период одлучила и сфатила дека сака да биде онаква каква што била пред да го запознае принцот Чарлс“, додал тој.