Почина србскиот пејач Предраг Гојковиќ Цуне
Објавено на 21 јули, 2017 во 14:42
Српскиот пејач Предраг Гојковиќ Цуне почина денеска на возраст од 85 години, јави РТС.
Цуне е роден 1932 година. Тој пееше српски народни песни, староградски, севдалинки, забавни и мексикански песни.
Прекарот Цуне го доби, како што сам објасни во емисијата „Балканском улицом“ на Радио-телевизија Србија, по тоа што мајка му му велела „Оди да те мајка цуне“, или „Дојди да те бакне мама“.
Грамофонската плоча со песната „Кафу ми, драга, испеци“ издадена е 1962 годинa и достигна златeн тираж од 50 илјади примероци
Покрај многуте одржани концерти и телевизиски емисии пееше дует со Предраг Живковиќ Тозовац, Мирослав Илиќ и Лепа Лукиќ.
Во ноември 2015 година рече дека нема повеќе да пее и така ја заврши кариерата по повеќе од 50 години.