Војници се венчаа на бојно поле во Украина, прв им честиташе Кличко
Дека љубовта е најсилното чувство кое нѐ води, зборува и одлуката на овој војнички пар од Украина кои решиле да се венчаат на бојното поле.
Лесија Ивашченко и Валери Филимонов се венчале во воени униформи со кои ја бранат својата татковина од руската инвазија. Двајцата се членови на 112-та бригада за територијална одбрана. На нивната венчавка гости биле нивните колеги, а ги венчал воен капетан.
Today, in the field conditions of #UkraineRussiaWar, two fighters of the 112 brigade of the territorial defense, Lesya and Valeriy got married. The military chaplain married them. pic.twitter.com/5g7MNDQ5zZ
— KyivPost (@KyivPost) March 6, 2022
Невестата до „олтарот“ била спроведена од нејзиниот командант, јавуваат украинските медиуми.
Сведоци им биле колегите од бригадата кои носеле бели рози во рацете за време на церемонијата благодарение на која барем за момент заборавиле на ужасите кои ги живеат изминатиов период.
На парот им честиташе и градоначалникот на Киев, Витали Кличко, кој иако немаше многу време за славење, тие сепак наздравија со шампањ.
