Fortnite собра 144 милиони долари за помош на Украина
Новата сезона на популарната видео игра Fortnite излезе на 20 март, а бидејќи ваквите настани во играта секогаш носат огромен профит на Epic Games, тие решија да ги донираат своите двонеделни приходи за хуманитарни напори поврзани со Украина.
Имено, Fortnite собра 36 милиони долари на првиот ден од акцијата на Epic, а за две недели таа сума се искачи на 144 милиони долари, објавија на официјалниот Twitter профил.
Our deepest thanks to everyone who joined us in supporting humanitarian relief efforts for people affected by the war in Ukraine.
— Fortnite (@FortniteGame) April 4, 2022
Together with the Fortnite community and @Xbox, we raised $144 million USD for @DirectRelief @UNICEF, @WFP, @Refugees and @WCKitchen. pic.twitter.com/lPAa8lmfJn
Epic ќе ги насочи собраните средства на неколку хуманитарни организации и агенции, вклучувајќи ги Direct Relief, UNHCR, UNICEF и Светската програма за храна (WFP).
Според The Verge, Epic не е единственото студио за развој што собрало средства за помош на Украина. Riot Games собра 5,4 милиони долари минатиот месец, Itch.io собра повеќе од 6 милиони долари, а Humble Bundle собра 20 милиони долари.
