Како да ги препознаете алергиите на сонце и како да се заштитите?

Сите со нетрпение го очекувавме сонцето, летото, топлите денови. Иако ни се допаѓа, сонцето може да биде извор на многу проблеми. Неговото УВ зрачење е многу штетно за нашата кожа, а може да предизвика и алергии.

Кога станува збор за алергии на кожата од сонце, реакциите можат да бидат силни, со осип на кожата, со оток, со болка, со  чешање, што не е директно поврзано со која било друга болест.

УВ зрачењето во долните делови на површинскиот слој на кожата и прекумерната акумулација се причина за појава на темни дамки – хиперпигментација. Сонцето е одговорно и за забрзано стареење на кожата како и за малигнен меланом.

Препознајте ја алергијата на сонце

Реакциите се јавуваат само по изложување на сонце, можат да се појават кај сите луѓе, без оглед на видот на кожата. Но, најчести се кај жените.

Прво и најважно што треба да направите ако се појави алергија е да ги заштитите сите изложени делови на телото, како и да не ја изложувате кожата на сонце. Пациентите кои се соочиле со овој проблем се свесни дека дури и навидум „слабото“ сонце може да предизвика непријатна реакција на кожата. Кај луѓе со силна реакција, исто така, се препорачува да земаат таблети против алергија (антихистаминици), околу десет дена пред изложување на сонце.

Избор на соодветна заштита

Кога станува збор за заштита од сонце, препорачаните мерки треба да се земат многу сериозно во предвид. Имено, нашата кожа е осетлива, па оштетувањето на кожата предизвикано од прекумерно изложување на сонце понекогаш е видливо и по 20 или 30 години. Заштитата треба да започне на рана возраст.

Се верува дека едно лице добива до 80 проценти од штетната сончева енергија до 18-та година од животот.  Затоа родителите мораат да водат сметка да ги заштитат своите деца, со цел да спречат рак на кожата во зрелоста.

На пазарот има голем број производи за заштита од сонце, некои се со подобар квалитет, други со помал, но повеќето содржат хемиски филтри кои се активираат кога сончевите зраци паѓаат на нашата кожа. Во некои средства  за заштита од сонце, постојат т.н. физички или механички филтри, кои рефлектираат или расфрлаат ултравиолетови зраци веќе на површината на кожата.

Првите се присутни во повеќето средства  а вторите, т.н. механички филтри, почесто се присутни во препаратите наменети за деца и лица со исклучително чувствителна или склона кон алергија кожа, како што е атопичен дерматитис. Сепак, задачата е иста за секого, да ја заштити кожата од оштетување и да спречи продирање на сончевите зраци во подлабоките слоеви на кожата. Многу  важно е препаратите да обезбедуваат заштита од ултравиолетовите (УВ) зраци од спектарот А и Б.

На пакувањето, UVB заштитата ќе биде означена со кратенката SPF (Фактор за заштита од сонце). Тоа укажува колку долго можеме да бидеме изложени на сонце без да имаме изгореници. На пример, ако руменило на сонце без заштита изнесува десет минути, кремот со SPF 30 ни овозможува да останеме на сонцето 30 пати подолго, или 300 минути.

УВА-заштитата е исто така многу важна. Состојките на овие средства за заштита продираат подлабоко во кожата отколку УВБ зраците и значително придонесуваат за оштетување, алергии и стареење на кожата. Затоа, изберете производи за сончање со широк спектар, односно да ве заштитат подеднакво од УВА и УВБ зраците.