Витамин кој го зајакнува имунитетот и ја намалува можноста за добивање сезонски болести

Зголемениот внес на витамините Ц и Д, како и минералите цинк и железо, е апсолутен императив за зајакнување на имунитетот, но важен е и пиридоксинот, попознат како витамин Б6.

Урамнотежена исхрана, квалитетен сон и редовно вежбање се неопходни за здрав живот. Во постудениот дел од годината се трудиме дополнително да го зајакнеме нашиот имунитет за да се спротивставиме на сезонските болести.

Во исто време, зголемениот внес на витамини Ц и Д, како и минералите цинк и железо, се наметнува како апсолутен императив за да се помогне во постигнувањето на оваа цел.

Пиридоксин, попознат како витамин Б6, е исто така важен за зајакнување на имунитетот.

Витаминот Б6 е фасцинантна молекула вклучена во повеќе од 150 биохемиски реакции, пишува на страниците на Американската национална библиотека за медицина.

Витаминот Б6 е неопходен за здравјето и правилното функционирање на човечкото тело. Неопходен е за репродукција на клетките, игра важна улога во метаболизмот на амино киселините, создавањето на протеини и црвени крвни зрнца. Тој е од клучно значење за нормалното функционирање на нервниот и мускулниот систем како и за функционирањето на целиот имунолошки систем.

Која храна содржи витамин Б6?

Витаминот Б6 може да се најде во храната, и животинска и зеленчукова. Извори на витамин Б6 се живината, говедскиот црн дроб, туната, лососот, жолчките, наутот, компирот, зелениот лиснат зеленчук и бананите.

Пиридоксин, познат и како витамин Б6, е компонента на Б комплексот. Б комплексот вклучува и тиамин или витамин Б1, рибофлавин или витамин Б2, ниацин или витамин Б3, пантотенска киселина или витамин Б5, биотин или витамин Б7, фолна киселина или витамин Б9 и цијанокобаламин или витамин Б12.

Единствениот витамин Б-комплекс кој не може да се најде во храната од растителна основа е витаминот Б12. Токму затоа на веганите им се советува редовно да земаат додатоци на овој витамин во форма на капсули или спрејови.

Секој од осумте членови на Б комплексот има уникатна структура, но тие се надополнуваат еден со друг, па затоа е пожелно да се земаат како балансирана целина преку храна и/или додатоци во исхраната.

Како да знаете дека имате недостаток на витамин Б6?

Луѓето кои јадат урамнотежена исхрана ретко доживуваат недостаток на витамин Б6. Но, сепак може да се појави во некои случаи: кај жени кои земаат контрацептивни таблети, кај луѓе кои страдаат од бубрежна болест, кај луѓе кои страдаат од нарушувања на имунолошкиот систем, кај луѓе кои прекумерно уживаат во алкохол.

Недостатокот на витамин Б6 може да се препознае по следните симптоми: замор, слабост, анемија, грчеви, болки во стомакот и депресија.

Доколку забележите некој од овие симптоми, најдобро би било да се консултирате со вашиот лекар и да направите тестови на крвта за да знаете што точно недостасува во вашето тело и што точно треба да направите за да го решите тој проблем.

Дума.мк