Започна производството на Mercedes-AMG One
Mercedes во септември 2017 година го претстави концептот на хиперавтомобилот Project One на салонот во Франкфурт, со цел да се создаде патен автомобил со мотор изведен од Формула 1.
Иако првично беше планирано серискиот модел да се појави во 2019 година, Германците наидоа на различни пречки при развојот, па овој хиперавтомобил беше претставен во сериско издание дури на 1 јуни оваа година.
Серискиот Mercedes-AMG One го имаше своето прво јавно појавување на крајот на јуни на 2022 Goodwood Festival of Speed, додека сериското производство сега започна.
Рачното склопување се одвива во фабриката AMG во Ковентри, Велика Британија, при што хибридната погонска група со четири електрични мотори е изградена од одделот Mercedes-AMG High Performance Powertrains во Бриксворт.
По производството, автомобилот се транспортира во затворен камион до седиштето на AMG во Афалтербах, Германија, каде што го презема богатиот сопственик.
Значи, серискиот Mercedes-AMG One комбинира 1,6-литарски V6 турбо мотор од F1 автомобил, четири електромотори, литиум-јонска батерија од 8,4 kWh, погон на четири тркала и автоматски рачен менувач со 7 степени.
Комбинираната моќност е 782 kW/1063 КС (самиот бензински мотор има 422 kW/574 КС), забрзувањето од 0 до 100 km/h трае 2,9 секунди, 200 km/h достигнува за точно 7,0 секунди и може да достигне максимум од 352 km/h.
Овој хиперавтомобил од 1.695 килограми (јаглеродни влакна, алуминиум…) може да се движи само на струја, иако само 18,1 km.
Шест режими на возење се достапни за возачот, а дел од опремата вклучува карбон-керамички сопирачки (дискови 398 mm и 380 mm), специјални тркала со десет краци (опционално тркала со магнезиум со девет краци), гуми Michelin Pilot Sport Cup 2R M01 ( 285/ 35 ZR19 напред и 335/30 ZR20 назад), волан во стилот F1, клима уред, два дигитални екрани од 10,0 инчи, камера наместо традиционален ретровизор, јаглеродни влакна и кожна внатрешност…
Ќе се направат само 275 парчиња, по цена од 2,7 милиони евра, а според претходните информации сите се веќе однапред продадени.
