Ѓумбир – лековити својства и примена
Објавено на 22 септември, 2014 во 08:15
Чајот од ѓумбир помага при лекување на болно грло, сува кашлица и ги ублажува симптомите на настинка. Содржи антиоксиданси кои го зајакнуваат имунитетот и го намалуваат ризикот од срцев удар.
При силни менструални болки се препорачува на стомакот да се постави крпа натопена во топол чај од ѓумбир.
Подготовка на чај од свеж ѓумбир:
Четвртина шолја изрендан ѓумбир додајте го во еден литар зовриена вода. Варете 4 минути на тивко, а потоа процедете ја течноста во чаши.
Подготовка на чај од ѓумбир во прав:
Во една шолја зовриена вода додајте ½ мала лажичка ѓумбир во прав. Покријте ја шолјата и оставете ја течноста да олади 10-15 минути пред пиење.
