Ден без новозаразени, со еден оздравен велешани од Ковид-19 и намален број на пациенти на болничко лекување во Велес
Објавено: 4 септември, 2020, во 15:07 часот
4.09.2020
Во последните 24 часа нема заразен велешанец со коронавирус. Во вардарски плански регион освен новоинфицираните тројца кавадарчани регистриран е по еден во Неготино и во Свети Николе соопшти Министерството за здравство.
Денеска Институтот за јавно здравје регистрира еден оздравен велешанец и четворица пациенти од Свети Николе.
Според информации на Општа болница Велес денеска од Инфективното одделение се испишани двајца пациенти со по два негативни тестови.
– Во моментов на одделението се лекуваат 12 пациенти и сите се позитивни на коронавирусот, рече д-р Весна Николовска Неделкова портпарол на болницата./У.Ј
