Во недела крводарителска акција на Велешки Црвен крст и ЗГ „Велес Бајкинг“

Сите заинтересирани граѓани од Велес но и околните населени места, коишто редовно или за прв пат сакаат да даруваат крв, тоа можат да го направат на крводарителската акција организирана од страна на велешки Црвен крст и здружението на граѓани „Велес Бајкинг“.

-Со дарувањето да дадеме наш придонес за јавното здравје и да спасиме што повеќе животи. Крводарителството е врвен чин на хуманост. Биди хуман, дарувај крв, спаси нечиј живот, соопштија од велешки Црвен крст.

Крводарителската акција ќе се одржи оваа недела, на трети декември, во просториите на театар „Ј.Х.К Џинот“ во Велес и ќе трае пет часа, поточно од 10:00 до 15:00 часот.

Стефани Манева